Утрински Весник
Свет

ММФ: Војната меѓу Израел и Хамас и нападите во Јемен ја загрозуваат светската економија

Директорката на Меѓународниот монетарен фонд Кристалина Георгијева денеска предупреди дека светската економија е загрозена од војната меѓу Израел и Хамас во Појасот Газа и нападите на бунтовниците Хути врз бродови во близина на Јемен, кои му штетат на сообраќајот низ Суецкиот канал.

Војната во Појасот Газа и наштети на економијата на Блискиот Исток и Северна Африка, рече Георгиева на Самитот на Светската влада 2024 година во Дубаи, Обединетите Арапски Емирати.

-Најмногу се плашам од времетраењето на тој конфликт, бидејќи ако продолжи, постои ризик од поголемо прелевање – рече таа на годишниот состанок што ги собира деловниот и политичкиот свет во Емиратите до среда.

Конференцијата на ОН за трговија и развој (Унктад) на крајот на јануари предупреди дека обемот на товарниот сообраќај низ Суецкиот канал е намален за повеќе од 40 отсто во претходните два месеци.

Ако непријателствата се шират, тоа „може да биде попроблематично за целиот свет“, рече Георгиева.

Додека војната меѓу Хамас и Израел продолжува во Појасот Газа, расте стравот од регионална ескалација на конфликтот меѓу Израел, поддржан од САД и група блиска до Иран во Либија, Сирија, Ирак и Јемен.

Претседателот на Светската банка, Аџеј Банга, рече дека војните во Газа и Украина и нападите во Црвеното Море се едни од најголемите предизвици за кои треба да се размислува кога се зборува за светските економски прогнози.

-Кога ќе ги додадете тие променливи на она што веќе се чини дека е веројатно најниската стапка на раст во последните 55 години, тоа мора внимателно да се следи – рече шефот на Светската банка на состанокот во Дубаи.

Можете да прочитате

Лула да Силва не го менува ставот дека Израел извршил геноцид во Појасот Газа

Трамп: Поради обвиненијата против мене, имам поголема поддршка од Афроамериканците

(Видео) Бајден ја прекрсти вдовицата на Навални наместо Јулија ја нарече Јоланда !