Утрински Весник
Спорт

Миротиќ ќе го пропушти отворањето на сезоната

Миротиќ ќе го пропушти отворањето на сезоната

Поранешниот шпански репрезентативец Никола Миротиќ се уште се опоравува од повредата на Ахиловата тетива на левата нога, а неговиот клуб Барселона потврди дека тој ќе го пропушти отворањето на сезоната во Евролигата и шпанската Ендеса лига.

dobivaj vesti na viber

Барса ја отвора сезоната во сабота, на домашен терен во каталонското дерби. Ривал на тимот на Шарунас Јасикевичиус ќе биде Хувентуд од Бадалона, а натпреварот ќе се игра во рамките на Суперкупот.

Барселона сезоната во шпанското првенство ја започне на 30. септември на гости против Гран Канарија, а во Евролигата премиерата ќе ја има на 7. октомври на домашен терен против Олимпијакос.

Лекарскиот тим на Барселона во официјалното соопштение наведува дека будно го следи закрепнувањето на 31. годишниот кошаркар и подоцна ќе даде проценка кога тој ќе се врати на теренот.

Миротиќ е МВП на Евролигата за претходната сезона, во Барселона настапува од 2019 година. Минатата сезона во елитното европско натпреварување имаше просек од 19,5 поени и 6,9 скока. Освен за Барселона, во професионалната кариера настапуваше и за Реал Мадрид, Чикаго Булс, Њу Орлеанс Пеликанс и Милвоки Бакс.

Можете да прочитате

ПСЖ во јануари ќе му плати 30 милиони евра на Интер за Шкриниар

Милевски: Без разлика на се, мислам дека сме на вистинскиот пат

„Аѕурите“ одат на Ф4 во Лигата на нации