Утрински Весник
Македонија

Министерот за правда Лога во Анкара беше пречекан од претседателот на Врховниот касационен суд на Турција Акарча и Врховниот јавен обвинител Шахин

Министерот за правда Кренар Лога кој ја предводи македонската делегација во Анкара беше пречекан од претседателот на Врховниот касационен суд на Турција, Мехмед Акарча и Врховниот јавен обвинител, Бекир Шахин. Дводневната работна посета на Република Турција, Лога ја започна со средба со Акарча и Шахан. Со министерот Лога, македонската делегација ја сочинуваат претседателката на Судскиот совет, Весна Дамева, претседателот на ОЈОГОКК, Ислам Абази, поранешниот претседател на Уставен суд , Сали Мурати и претставници од Министерството за правда.
На средбата се разменија мислења, искуства и информации за подобро запознавање со судските системи, за положбата, функционирањето и улогата на судската власт, со посебен акцент на работата на врховните судови и јавните обвинителства.
Министерот Лога им се заблагодари на Акарча и Шахин за топлиот прием и гостопримство и посочи дека пријателските односи меѓу двете држави ќе продолжат да се интензивираат и во наредниот период.
Доследна и предвидлива судска практика е предуслов за владеење на правото и правната сигурност и особено важна за зголемување на довербата на граѓаните во работењето на судскиот систем. Од тие причини, предвидено е зајакнување на соработката  која ќе се реализира преку одржување на редовни работни средби.
Министерот за правда Кренар Лога ,претседателот на  Врховниот касационен суд на Турција, Мехмед Акарча и Врховниот јавен обвинител, Бекир Шахин се договорија да има размена на посети меѓу институциите од двете држави  со цел да стекнат нови знаења и искуства.

Можете да прочитате

Стоилковски: Анастасов од СДС излажа, Пробиштип се труе со тешки метали, а тој реди соларни панели

Бојмацалиев: Никој ниту сега ниту порано саботираше некого, 140.000 обрасци за патни исправи се на пат кон Македонија

Пратеници од ВМРО-ДПМНЕ го послушале министерот Тошковски и не поминале на граница со старите патни исправи