Грчкиот премиер Киријакос Мицотакис најави зголемување на минималната плата и пензиите во Грција.
Зборувајќи за економската политика, Мицотакис рече дека минималната плата ќе се зголеми следната година, а пензиите ќе се зголемат за првпат по финансиската криза што изби пред повеќе од десет години.
Мицотакис рече дека околу 1,5 милиони пензионери ќе имаат корист од зголемувањето.
Тој најави и план за помош на младите за изнајмување или купување на куќи во вредност од околу 1,8 милијарди евра.
