По денешниот неделен состанок одржан од премиерот, заклучокот е јасна распоредба на одговорностите и засилена меѓуинституционална координација се клучни за успехот на реформите.
Главна тема на состанокот за која се зборувало било динамиката со која се одвиваат процесите и почитувањето на зададените рокови. Премиерот преку социјалните мрежи информираше за текот на состанокот:
„Денеска одржавме неделен состанок на тема реформска агенда. На состанокот беа разгледани тековните приоритети и рокови за спроведување на клучните реформи, при што беше нагласена потребата од меѓуинституционална координација и јасна распоредба на одговорностите. Од суштинско значење за успешна имплементација на реформската агенда, мораме да ја завршиме домашната задача“, објави Мицкоски.
