Мицкоски најави намалување на цените на дизелот и бензините на следната седница на РКЕ. Премиерот на прес-конференција во Владата соопшти дека останува и попустот од ОКТА од два денари за нејзините партнери.
– Очекуваме на следната седница на РКЕ да се донесе одлука со којашто ќе имаме намалување на цените на дизел горивото и бензините и тоа ЕВРОСУПЕР 95 и 98 да бидат намалени за 1.5 денари, додека дизелот да биде намален за 2,5 денари, соопшти Мицкоски.
Тој додаде дека Македонија навремено и сигурно ги обезбедува потребните количини на енергенси за своите граѓани и повтори дека продолжува трендот каде граѓаните од соседните земји полнат гориво во пограничните места во Македонија.
