Централниот настан на премиерот Христијан Мицкоски денеска беше почетокот на реконструкцијата на локалниот пат Катланово – Градманци.
„Нема време за чекање. Од Вашингтон и Њујорк, директно во скопски Петровец“ вака премиерот Мицкоски ја најави неговата денешна активност.
Иако станува збор за реконструкција (а не пробивање) и тоа на локален пат во должина помала од 2,5 километри тоа не го спречи Мицкоски на фанфари да го најави овој проект.
Можеби причината за тоа е што овој проект ќе се финасира од унгарскиот кредит, па оттаму и брзањето на Мицкоски од Вашингтон да се упати кон Петровец.
Но Мицкоски и министерот за транспорт и врски кога веќе беа во Петровец, можеа да поминат и до делницата Катланово – Петровец (од автопатот Велес – Скопје) која е реконструирана и пуштена во употреба.
Иако оваа делница се работеше неколку години, таа во сообраќај се пушти во октомври минатата година.
Мицкоски и Николоски најдоа за сходно со помпа да го пуштат во употреба експресниот пат Градскко – Дреново, пругата од Куманово до Бељаковце, но не посветија внимание на делницата Катланово – Петровец.
Зошшто Владата немаше организиран настана за пуштање во употреба на таа делница? Дали затаји ПР-от, дали Мицкоски делницата ја смета за сираче или едноставно не им се видела доволно интересена?
