Утрински Весник
Македонија

МЕТЕО НАЈАВА: Заборавете на дебелите јакни во следните 10 дена – Се очекуваат пролетни температури и до 20 степени!

Метео анализа на Славчо Поповски:

Првата седмица од февруари месец во Македонија ќе помине во знакот на стабилно, суво и претежно сончево време, со малку повеќе облачност и со засилен ветер од северен правец во петок. Токму ова стабилно време е поради влијанието на антициклонот “Зевс”.

Температурите, особено за време на викендот и во почетокот на следната седмица ќе бидат во значителен пораст и ќе бидат натпросечно високи, па така максималните дневни температури на воздухот на повеќе места ќе надминат 10 степени, а во најтоплите централни и југоисточни предели тие ќе достигнат и до пролетни 18 степени. Ќе има места каде температурата ќе достигне дури и до 20 степени.

Во Скопје и околината ќе имаме слично време, со значителен пораст на температурите за време на викендот, како и во почетокот на следната седмица.

Според моменталните анализи со кој располагаме, враќањето на зимата и на снегот ќе ги очекуваме по 10 февруари.

НАПОМЕНА: Во следните 10 дена заборавете на дебелите јакни, капи, шалови и чизми, а снегот и студот ќе го чекаме по 10 февруари.

Можете да прочитате

Пратеници од ВМРО-ДПМНЕ го послушале министерот Тошковски и не поминале на граница со старите патни исправи

Битиќи – Смит: Обединетото Кралство и С. Македонија имаат одлични економски односи и голем потенцијал за развој

Приведени крадци во Прилеп