На 7 март со почеток во 11:00 часот, на Малата сцена на Македонската опера и балет премиерно ќе биде изведена новата интерактивна музичко-сценска претстава „Металковци патуваат“, дел од проектот „Фамилија Металковци“.
Претставата е наменета за најмладата публика и носи динамична приказна исполнета со музика, игра и интеракција со публиката, со цел децата активно да учествуваат во сценската авантура.
Истата ден ќе биде одиграна и реприза со почеток во 13:00 часот, додека следните изведби се закажани за 14 март во термините од 11:00 и 13:00 часот.
Автор на детските претстави во рамки на проектот „Фамилија Металковци“ е Мицко Дамњановски, кој преку оваа продукција продолжува да создава едукативни и забавни сценски содржини за децата.
