Германскиот канцелар Фридрих Мерц изјави дека сцените на судирите на маргините на основачкиот конгрес на младинската организација на АФД во Гисен се се освен пријатни.
На партиската конференција на ЦДУ во Магдебург тој рече дека станува збор за конфликт меѓу крајната левица и крајната десница, објавува Билд.
„Само удирање со тупаница по масата – така не функционира демократијата. Сакам да бидеме во политичкиот центар на нашата земја за да покажеме дека можеме да решаваме проблеми. Слободата и мирот се најважни“, рече Мерц.
Во Гисен денеска се одржуваат протести поради основањето на новата младинска организација на АфД. Во еден момент дојде до судир меѓу демонстрантите и полицијата, која употреби водени топови и солзавец за да ја растера толпата.
