Утрински Весник
Свет

Медведев: САД, НАТО и ЕУ не сакаат да ги прекинат врските со Русија, затоа го туркаат Киев на преговори

Медведев: Западот се приближува кон светска војна

Заменик-претседателот на Советот за безбедност на Русија, Дмитриј Медведев зјави дека САД, НАТО и ЕУ не сакаат целосно да ги прекинат односите со Русија, па оттука и обидите да го турнат Киев кон преговори, пренесува Срна.

dobivaj vesti na viber

„САД, НАТО и ЕУ не сакаат целосно да ги прекинат врските со Русија. Оттука, чести се обидите да се поттикне Киев да преговара“, напиша Медведев на „Телеграм“, пренесува РИА Новости.

Зборувајќи за украинскиот претседател Володимир Зеленски, Медведев рече дека не сака да преговара од себични причини, пренесува Н1.

„Преговорите се многу опасни за него, бидејќи тој исклучително се плаши од украинските националисти“, смета Медведев.

Тој додаде дека на сите им е доста од режимот во Киев, особено, како што вели, од Зеленски, кој постојано ги разгорува страстите и изнудува повеќе пари и оружје.

Медведев додава дека НАТО и ЕУ не сакаат конечен раскин со Русија и оттука обиди да го турнат Киев кон преговори.

Дополнително, наведува Медведев, кога станува збор за ракетниот инцидент во Полска, „неуспешните обиди нападот да и се припише на Русија не беа прифатени од никого, дури ни од најзатрупаните русофоби – Полјаците“.

Зеленски претходно изјави дека Русија не се стреми кон мир, туку сака да обезбеди краткорочен одмор од непријателствата,пренесе Денес.рс.

Можете да прочитате

Ватикан нуди да биде домаќин на разговори меѓу Русија и Украина

The Telegraph: Талибанците заработија милиони од Светското првенство во Катар

Германија прими повеќе од еден милион бегалци од Украина