Војната во Украина би можела да трае со децении, изјави клучниот сојузник на Владимир Путин, пренесе руската новинска агенција РИА.
Поранешниот руски претседател Дмитриј Медведев рече дека војната може да се претвори во конфликт кој се карактеризира со долги периоди на борби, испрекинати со прекини на огнот.
„Овој конфликт ќе трае многу долго, најверојатно со децении“, рече Медведев, пренесува РИА.
„Се додека постои таква украинска влада, ќе има, да речеме, три години примирје, две години конфликт и сè ќе се повтори“, додаде тој и го повтори тврдењето на Москва дека Украина е нацистичка држава.
