Утрински Весник
Македонија

Маж загина во сообраќајка на експресниот пат Штип-Кочани, повредени жена и две деца

Soobra A Ka.jpg

Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа околу два часот по полноќ се случила на експресниот пат Штип-Кочани. Според првичните информации на СВР Штип, во несреќата која била пријавена во 2:24 часот изутрина, учествувало само едно возило. Автомобилот „рено лагуна“ со скопски регистрации излетало од коловозот во близина на клучката кај селото Крупиште. Возачот – 39-годишен маж од Скопје – починал, а сопатничката и двете деца се здобиле со повреди и се пренесени во болницата во Штип. Увидот во несреќата е во тек. Од почетокот на годинава, на експресниот пат Штип-Кочани се случија неколку тешки сообраќајни несреќи во кои животите ги загубија вкупно пет лица.

Можете да прочитате

Истепани двајца малолетници во Чаир: напаѓачите се обиделе да внесат еден од нив во „бмв“

„Мал Битолски Монмартр“ повторно во  Бигорски 

15-годишно девојче исчезна од установа за згрижување деца