Матијас Погба се пријавил на полицијата во Париз како дел од истрагата за наводната уцена на неговиот брат, Пол Погба, тврдат француските медиуми, додавајќи нова епизода во сагата во семејството на ѕвездата на Јувентус.
Весникот „Ле Монд“ тврди дека Матијас Погба се предал на полицијата во средата откако бил обвинет дека е дел од бандата која го уценувала Пол Погба. Покрај него, во притвор се уште тројца луѓе поврзани со уцената по барање на обвинителството во Париз.
Минатиот месец, 29-годишниот Пол Погба кај француската полиција пријавил дека е мета на уцена „тешка“ 13 милиони евра од банда во која членувал и неговиот постар брат, 32-годишниот Матијас. Ова дојде откако Матијас преку социјалните мрежи најави „експлозивни“ информации за неговиот помлад брат.
Mathias Pogba placé en garde à vue
Selon Le Monde, Mathias Pogba a été placé en garde à vue ce mercredi dans le cadre de l’enquête ouverte sur les « tentatives d’extorsion » dénoncées par son frère Paul https://t.co/0s9WofxXFO pic.twitter.com/tSW5rX5wci
— L’ÉQUIPE (@lequipe) September 14, 2022
