Скопската општина Кисела Вода е дел од акцијата за пошумување „Засади со љубов, за Кисела Вода”.
Настанот ќе се одвива денес, петок, 25 ноември, со почеток во 10 часот на 6 локации.
Една од нив е новиот парк Иднина (на кружниот тек меѓу Припор и Кисела Вода), каде градоначалникот Орце Ѓорѓиевски ќе даде изјава за медиумите.
Учество ќе земат и многу познати естрадни лица, претставници на дипломатскиот кор, спортисти, како и сите граѓани кои сакаат да засадат дрвца и да ја поддржат идејата за зелена Кисела Вода, информираат од општината.
