Македонскиот фудбалски интернационалец Мартин Мирчевски е избран за најдобар играч на 11.коло во Моцарт Бет Суперлигата на Србија. Тој одигра одличен меч за Бачка Топола во триумфот (3-1) против Колубара откако беше стрелец на хет-трик.
Мирчевски на дуелот против Колубеа ги постигна првите голови оваа сезона, а добитник е и на 50.000 динари кои ќе треба да ги додели во хуманитарни цели. Според анализата, Мирчевски во ова коло во Србија имал најмногу шутеви кон голот (осум) и најмногу удари во рамките на голот (шест).
