Утрински Весник
Македонија

Маричиќ: Европската интеграција на Северна Македонија е важен стратешки план и приоритет за државата и за сите граѓани во неа

Foto3.jpg

Првиот заменик претседател на Владата за европски прашања Бојан Маричиќ денес одржа средба со амбасадорот на Република Унгарија НЕ Андраш Клајн, заменик амбасадорката Кристина Тиханји и претставникот Золтан Марки. 

На средбата унгарската делегација ги презентираше приоритетите на унгарското претседателство со цел зајакнување на процесот на европските интеграции во претстојниот период. Унгарија претседава со Советот на Европа од 1 Јули 2024 до крајот на годината. 

Вицепремиерот Маричиќ со заложба дека европеизацијата на државата мора да продолжи со засилен тек ја истакна важноста од носење на важни одлуки за понатамошно реализирање на стратешките цели на Северна Македонија и регионот. 

Неговата екселенција амбасадорот Клајн се заблагодари за досегашниот успех и постигнатите резултати од процесот на евроинтеграција, скрининг процесот, отпочнувањето на преговорите за државата и комплетната подготовка за реализација на европската агенда на државата. 

Европската интеграција е важен стратешки план и приоритет за државата и за сите граѓани во неа – истакна Маричиќ. 

Можете да прочитате

СДСМ: Ќе побара ли Мицкоски одговорност од претседателот на Управниот одбор на „Дрисла“ и негов советник?

ВМРО-ДПМНЕ со барање до ЈО – Коцевски да не молчи за незаконското следење и злоупотребата на АНБ и АР

И овој викенд на „Табановце“ и „Богородица“ се чека половина час