Утрински Весник
Македонија

Маричиќ: Ќе мора да ја консултираме Бугарија за акцискиот план за малцинствата

Маричиќ: Ќе мора да ја консултираме Бугарија за акцискиот план за малцинствата

Бугарија нема посебни барања во текот на билатералниот скрининг, но Македонија како кандидат за членство ќе мора да ја консултира во текот на креирањето на акцискиот план за малцинства.

dobivaj vesti na viber

Ова го најави вицепремиерот за европски прашања и преговарач со ЕУ, Бојан Маричиќ.

„Бугарија нема истакнато никакво посебно барање во текот на билатералниот скриниг. А ние во текот на креирањето на акцикскиот план за малцинства тој секако ќе биде консултиран со државите-членки на Европската унија бидејќи ќе треба како комплет документи да отидат на усвојување во Советот на ЕУ“, рече Маричиќ.

Скринингот е во напредна фаза, а од следната недела ќе почнат билатералрни состаноци за три поглавја: право на трговски друштва, право на основање и слобода на давање на услуги и право на интелектуална сопственост кои се дел од кластерот внатрешен пазар.

„Оценките ќе ги добиеме во скрининг извештаите кои ќе ги изработи ЕУ и ќе бараме да ни ги достават до почетокот на пролетта бидејќи тоа ќе ни помогне во подготовка на клучните три документи за членство ЕУ: патоказот за владеење на правото, патоказот за реформа во јавната администравција и патоказ за функциониерање на демократски институции кои се услови за отворање на првиоот кластер. Дополнително во рамки на патоказот за владење на правото ќе треба да се направат и акциски планови за заштита на правата на малцинствата и заедниците со конкретни мерки за недискриминација, борба против говор на омраза и право на образование. Овие мерки не се ексклузивни само за нас – додаде Маричиќ.

Орце Костов

Можете да прочитате

Земјава испраќа помош во Турција по катастрофалниот земјотрес

Oсмани: ОБСЕ дава сериозна поддршка преку активности и проекти за борба против антисемитизмот

Ковачевски – ОБСЕ „Квинта“ амбасадори: Северна Македонија е позитивен пример како низ дијалог се наоѓаат решенија кои водат кон стабилност и просперитет