Утрински Весник
Економија

Компанијата „Виваком“, во сопственост на „Јунајтед груп“, е најбрзо растечки давател на сателитски услуги на глобално ниво

Компанијата „Виваком“, во сопственост на „Јунајтед груп“, е најбрзо растечки давател на сателитски услуги на глобално ниво

Бугарскиот телеком се искачи на врвот на Светската асоцијација за телепорт (WTA) само две години откако му се приклучи на водечкиот телекомуникациски и медиумски оператор во Југоисточна Европа

dobivaj vesti na viber

Бугарскиот телекомуникациски оператор Виваком (Vivacom), кој е во сопственост на Јунајтед Груп го освои највисокото признание на престижното меѓународно рангирање. Виваком сега е број еден на глобално ниво врз основа на растот на приходите од сателитски услуги за деловни клиенти, според Top Teleport Operators 2022, објавено од страна на Светската асоцијација за телепорт (World Teleport Association – WTA). Покрај тоа што ја достигна позицијата број 1 во категоријата “Најбрзи 10 оператори со најбрз развој”, оваа година бугарскиот телекомуникациски оператор исто така се приклучи на групата на “Глобални Топ 20 компании врз основа на приходи од сите прилагодени извори на комуникации”, вклучително и оператори на телепорти и сателитски флоти.

Водечката позиција на Виваком на WTA рангирањето доаѓа само две години по нејзиното купување од Јунајтед Груп, водечки телекомуникациски и медиумски оператор во Југоисточна Европа. По серијата нови инвестиции во развојот на сателитската станица Plana Earth фокусирана на услуги насочени кон деловни клиенти, во 2021 година на Виваком му беше доделена целосна сертификација Tier 4 од Светската асоцијација за телепорт (WTA), највисока можна сертификација во областа од овие услуги, рангирајќи ја сателитската станица меѓу најсовремените објекти од ваков тип во светот.

Викторија Боклаг, извршен директор на Јунајтед Груп изјави: „Постигнувањето на Виваком покажува дека со вистинска стратешка визија, насочени инвестиции и тимска експертиза на локално ниво, можеме да поставиме стандарди на глобално ниво. Воодушевени сме што успехот на нашиот бугарски тим го препознаваат и клиентите и нашата индустрија“.

Во изминатите 10 години, Виваком инвестираше над 10 милиони евра во развојот на своите сателитски услуги за деловни клиенти, проширувајќи го своето партнерство со некои од најголемите светски сателитски оператори и даватели на содржини.

Николај Андреев, извршен директор на Виваком изјави: „Преку нашата најсовремена земјена станица, нудиме услуги низ Европа, Африка, Јужна Америка и Азија, емитувајќи преку 500 ТВ канали до милиони домаќинства ширум светот. Згора на тоа, обезбедуваме поврзување со некои од најтешко достапните места на глобално ниво, вклучувајќи го и Антарктикот. Горд сум на нашиот тим од професионалци кои успешно ја позиционираа нашата компанија меѓу врвните глобални партнери за даватели на сателитски услуги. Остануваме посветени на нашата стратегија за иновации, инвестирање и испорака на врвни производи и услуги, ставајќи го самоуверено Виваком на меѓународната мапа на индустријата“.

За Светската асоцијација за телепорт (WTA)

Од основањето во 1985 година, Светската асоцијација за телепорт (www.worldteleport.org) им помага на своите членови да се стремат повисоко. Денес, WTA е водечки партнер во растот на операторите кои управуваат со сателитски копнени станици, застапувајќи ги нивните комерцијални интереси и промовирајќи висок квалитет во нивните деловни практики, технологија и операции. Здружението објавува извештаи за најдобри практики и презентира вебинари за технолошките промени и нивните деловни и пазарни влијанија. Исто така, презентира настани и награди и обезбедува глобални програми за сертификација и оценување за да се потврди квалитетот и да се поттикне подобрување. Целењето повисоко создава можности. Целењето повисоко носи и ризик. WTA е посветена да им помогне на своите членови да ги искористат можностите и да управуваат со ризиците за да ги пронајдат патиштата до раст на пазарот што масовно се менува.

За Јунајтед Груп (United Group)

Јунајтед Груп (https://united.group) е водечки телекомуникациски и медиумски оператор во Југоисточна Европа, со седиште во Холандија. Активна во осум земји, компанијата има повеќе од 15 милиони корисници и речиси 15.000 вработени. Таа генерира приближно 2,6 милијарди евра годишни приходи. Јунајтед Груп има најширока мрежна покриеност во регионот и им нуди на корисниците најатрактивниот избор на ТВ содржини од целиот свет. Значајните инвестиции во дигиталната инфраструктура, содржината и технологијата обезбедуваат извонредност на производите и услугите што ги обезбедува на клиентите. Јунајтед Груп е во мнозинска сопственост на BC Partners, една од најголемите светски инвестициски компании, од март 2019 година. Во рамки на Јунајтед Груп, во Северна Македонија, работи компанијата Тотал ТВ.

ПР

Можете да прочитате

Надворешен долг, побарувања и меѓународна инвестициска позиција во четвртото тримесечје од 2023 година

Одржана седница на Советот на Народната банка: Во вториот квартал од 2025 година стапката на противцикличниот заштитен слој на капиталот ќе остане 1,5%

Битиќи: На ВМРО-ДПМНЕ им е непријатно кога гледаат како платите растат