Англискиот премиерлигаш Манчестер Јунајтед се надева дека може да го доведе на „Олд Трафорд“ крилниот напаѓач на Барселона, Ансу Фати. Тој не е задоволен од минутажата во тимот на Чави, па раководството на „црвените ѓаволи“ сака да ја искористи оваа ситуација и ќе испрати официјална понуда во летниот преоден рок.
Ансу Фати оваа сезона има 38 настапи за Барселона, но само на девет натпревари беше стартер во Ла Лига, а неговиот татко и јавно го истакна незадоволството против тренерот Чави Ернандез.
20-годишниот талент почнал да размислува за заминување од „Камп Ноу“ бидејќи е незадоволен од малата минутажа што ја добива. Од друга страна, и Барселона треба да обезбеди 200 милиони евра за да го задоволи финансискиот фер-плеј на УЕФА.
