Утрински Весник
Свет

Макрон и Лула објавија план за инвестирање милијарда евра во Амазонија

8765.jpg
300x250 (7)

Претседателите на Бразил и Франција вчера објавија план за инвестирање една милијарда евра во Амазонија, вклучително и делови од џунглата во соседна Француска Гвајана.

Владите на двете земји во заедничко соопштение наведоа дека парите ќе бидат искористени во следните четири години за заштита на шумата. Тоа ќе биде соработка меѓу бразилските државни банки и француската инвестициска агенција. Приватни ресурси исто така би биле добредојдени, нагласија Бразил и Франција.

Ss1

Францускиот претседател Емануел Макрон ја почна својата тридневна посета на Бразил од градот Белем, каде се сретна со својот долгогодишен сојузник Луис Инасио Лула да Силва. Тие отидоа со брод до островот Комбу за да се сретнат со домородните лидери.

Макрон му го врачи престижниот Орден на Легијата на честа на индискиот поглавар Раони Метукире за неговите напори да ја заштити животната средина.

– Вие бевте во Европа и јас ветив дека ќе дојдам овде, во вашата шума и да бидам со вашиот народ, му рече Макрон на лидерот на домородното население.

– Претседателот Лула и јас имаме заедничка кауза за еден од нашите пријатели во оваа земја што ви припаѓа, додаде тој.

Лула и Макрон ќе се обидат да „зацртаат заеднички курс“ за борба против климатските промени и сиромаштијата, соопшти Елисејската палата. Бразил ќе биде домаќин на самитот на Групата 20 водечки економии во Рио де Женеиро во ноември и на климатските преговори на ОН во Белем следната година.

Макрон и Лула денеска ќе пуштат дизел подморница направена во Бразил со помош на француска технологија во бродоградилиштето Итагвај во близина на Рио де Женеиро. Францускиот претседател потоа ќе се упати во метрополата Сао Паоло за да се сретне со бразилски инвеститори. Францускиот претседател утре ќе се упати во главниот град Бразилија за повторно да се сретне со Лула.

Ss1

Можете да прочитате

Орбан: Западот е на чекор од испраќање воени единици во Украина, Брисел си игра со оган

Нетанјаху најави „уште поболни напади против Хамас“

Пленковиќ и Мицотакис можни наследници на Фон дер Лајен