При оддавање почит и положување на цвеќе пред споменикот на загинатиот припадник на безбедносните сили, Бобан Ивановиќ, градоначалникот на Општина Гази Баба, Бобан Стефковски, и делегацијата која ја предводеше, стапнаа врз државното знаме на Република Македонија.
На фотографијата јасно се гледа дека македонското знаме, поставено на подот, е нагазено од страна на делегацијата. Со тоа е прекршен Законот за употреба на грбот, знамето и химната на Република Македонија, каде што јасно стои дека знамето мора да се почитува и не смее да се користи на начин што го навредува неговото достоинство.
Овој чин, направен во име на оддавање чест, отвора прашања за свесноста и почитта кон државните симболи од страна на јавни функционери и локални власти. Почитта кон хероите на татковината не смее да се изразува со непочитување на државните симболи.
