Албанските власти денеска го екстрадираа во Австрија македонскиот државјанин Монди Гитлан, осуден на пет години затвор за трговија со дрога.
Како што објавија медиумите, постапката за екстрадиција е резултат на координација меѓу специјалистите од Дирекцијата на Интерпол Тирана и нивните колеги во Австрија.
Гитлан, 29 години, жител на село Велешта, Струга, бил баран со меѓународна потерница, откако судот во Виена во мај годинава го осудил на пет години затвор за трговија со дрога.
Дваесет и деветгодишниот Гитлан бил уапсен на почетокот на минатиот месец на граничниот премин Ќафасан на албанско-македонската граница, при излез од Албанија.
Екстрадицијата е спроведена во рамки на меѓународната соработка за борба против организираниот криминал и трговијата со дрога.
