Луси Лиу откри дека немала конкретен план кога решила да стане самохрана мајка.
Ѕвездата на „Чарлиевите ангели“ доби син, Роквел, во 2015 година преку гестациски сурогат.
Луси многу малку истражувала пред да ја донесе одлуката што ќе ѝ го промени животот, бидејќи така можело да се премисли и да не го направи тоа.
„Немав план. Само си помислив: сакам малку да го сменам животот. Не размислував премногу. Не истражував многу, само го повлеков чкрапалото,“ рече таа во интервју за „Кат“.
„Ако премногу размислувам за тоа, нема да го направам. Подобро е за мене нешто да чувствувам и едноставно го правам тоа. Многу луѓе читаа книги за родителство. Јас не читав. Кога детето ќе биде тука, тогаш ќе сфатам и ќе знам.“
54-годишната актерка објасни зошто избрала Роквел да расте во нејзиниот роден град Њујорк, инсистирајќи дека сака тој да гледа повеќе од светот. „Дефинитивно сакав да воспитам дете во Њујорк. Луѓето ќе речат: „Не е погодно, немаш ни автомобил“, но на овој начин ќе ги види сите работи.“
Луси претходно разговараше со „Пипл“ за својата одлука да стане мајка преку сурогат, и нагласи дека нашла решение што ѝ помогнало.
Таа за својата одлука рече: „Едноставно изгледаше како вистинската опција за мене бидејќи работев и не знаев кога ќе можам да престанам. Решив дека тоа е веројатно најдоброто решение за мене, и се покажа дека е така.“
Најнов филм во кој Луси глуми е „Шазам: Гневот на боговите“, чија премиера се одржа во Лос Анџелес во вторникот.
