Утрински Весник
Свет

Лула да Силва не го менува ставот дека Израел извршил геноцид во Појасот Газа

Screenshot 2024 02 24 233419.png

Претседателот на Бразил, Лула да Силва уште еднаш го обвини Израел дека извршил геноцид во Појасот Газа, велејќи на X дека „не би го менувал своето достоинство за лага“. „Јас се залагам за создавање слободна и суверена палестинска држава, која би можела да живее во хармонија со државата Израел. Она што го прави Владата на Израел не е војна, туку геноцид. Убиваат деца и жени“, рече Лула. Бразилскиот претседател побара да не му се суди врз основа на изјавите на израелскиот премиер Бенјамин Нетанјаху. „Не обидувајте се да го толкувате интервјуто што го дадов, туку прочитајте го и престанете да ме судите врз основа на она што го кажа премиерот на Израел“, заклучи тој. Лула да Силва претходно изјави дека она што се случува во Појасот Газа е геноцид од размерите на злосторствата на Адолф Хитлер врз Евреите. Тој ги спореди нападите на Израел врз Појасот Газа со холокаустот, велејќи дека тоа е „војна на високо подготвената армија против жените и децата“, поради што израелскиот министер за надворешни работи Израел Кац го прогласи за персона нон грата. Коментирајќи ја изјавата на Лула, израелскиот премиер Бенјамин Нетанјаху изјави дека бразилскиот претседател ја преминал црвената линија, пренесува RT Balkan.

Можете да прочитате

Една година од војната во Судан која е во сенка на судирите во Газа и Украина

Кина лансираше сателит кој ќе може да комуницира и од оддалечената страна на Месечината

Пекинг го повика Вашингтон да одигра конструктивна улога на Блискиот Исток