Уругвајскиот напаѓач Луис Суарез, по Светското првенство во Катар, ќе го напушти Насионал и ќе се пресели во МЛС-лигата на САД. Како што откриваат шпанските медиуми, тој се договорил за трансфер во редовите на Лос Анџелес галакси.
Постоеше можност Суарез да се врати и во Европа, за него беа заинтересирани Астон Вила и Хетафе, но тој одлучи да замине во Америка.
Луис Суарез имаше понуда и од Интер Мајами, клуб чиј косопственик е Дејвид Бекам. Сепак, тој се одлучи за живот во Лос Анџелес.
