Ливерпул како гостин во Лондон го совлада Фулам (3:1) во натпревар од 34. коло во англиската фудбалска премиерлигашка конкуренција и се израмни на водечката позиција со првопласираниот Арсенал. Зад водечкиот двоец е актуелниот првак Манчестар сити со еден бод помалку, но и натпреавр помалку. Ливерпул поведе во 32 минута со голот на Александар Арнолд, а израмни Тимоти Кастањ во втората минута од судиското надополнување на првиот дел. „Црвените“ ново водство обезбедија во 53 минута Рајан Гравенберх, а Диего Жота во 72 минута го постави конечниот резултат.
