Хрватска повторно е во четврт-финале на едно Светско првенство, откако по неубедливите 1:1 во регуларните 90 минути и во половина час продолженија, голманот Доминик Ливаковиќ беше херој на „коцкестите“ бранејќи ги три обиди на јапонскиоте фудбалери за вкупна 3:1 победа.
Јапонците, кои на Мундијалот веќе ги победија Германците и Шпанците, беа поконкретни во првото полувреме, и тоа го искористија во 43. минута, кога Даизен Маеда ја искористи конфузијата во хрватската одбрана за да донесе водство за „самураите“. Второто полувреме започна во знак на „коцкестите“, откако во 54. минута, Дејан Ловрен одлично му асистираше, а Иван Перишиќ постигна фантастичен гол со глава за израмнување.
Набргу потоа, Лука Модриќ имаше фантастичен удар, кој со одлична реакција го одбрани голманот Шуичи Гонда, но потоа Јапонците полека ја вратија рамнотежата и на крајот беше јасно дека битката ќе продолжи и по 90-те минути.
Во пенал-серијата, Ливаковиќ ги одбрани обидите на Минамино и Митома, а откако Влашиќ и Брозовиќ беа прецизни за Хрватска, Марко Ливаја ја зголеми драмата кога ја погоди стативата, но Ливаковиќ во следниот обид го сопре и обидот на Јошида, пред Марио Пашалиќ да го запечати пласманот со сигурен гол.
Хрватска во четврт-финалето ќе игра со подобриот од мечот Бразил-Јужна Кореја.
