Лидерот на Левица, Димитар Апасиев, денеска во Собранието поднесе интерпелација за отповикување на претседателот на Собранието, Африм Гаши, по како што рече тој – седум основи, а по скандалот со неговото лично обезбедување кое интервенираше на скопскиот аеродром по барањето на косовската претседателка Вјоса Османи да не и биде скениран мобилниот.
– Станува збор за повреда на дипломатските правила за обезбедување на ВИП личности.Спикерот Гаши јавно призна дека ја дал наредбата за интервенција во недозволена ареа, рече денеска пратеникот.
Интерпелацијата, меѓудругото, се поднесува и за „повреда на секуларноста на државата“, по молитвата во Собранието за Сребреница, како и „илегална двојазичност“.
Апасиев додаде дека и сопругата на Гаши недозволиво патувала со него во Вашингтон и додаде дека станува збор за обемна интерпелација од 10 страници.
. Очекуваме во септември спикерот Гаши да ја постави оваа интерпелација на дневен ред. Стоиме на располагање со поддршка да се изгласа нов човек од редовите на нивното владеачко мнозинтво,кажа Апасиев
