Драма попладнево во City Mall откако на електронската адреса на Министерството за внатрешни работи пристигнала закана дека во трговскиот центар се поставени експлозивни направи.
По добиената дојава, полициски екипи веднаш излегле на терен и презеле мерки за обезбедување на објектот, како во внатрешноста, така и во околината на трговскиот центар.
По извршените проверки, од МВР информираат дека станува збор за лажна дојава и дека не биле пронајдени никакви експлозивни направи.
Надлежните институции работат на расчистување на случајот и откривање на лицето кое ја испратило заканувачката порака.
