Македонската машка ракометна репрезентација продолжува во континуитет со настапите на големите натпреварувања. Македонија откако беше подобра во двомечот против Фарски Острови ќе игра и на Светското првенство кое од 14 јануари до 2 февруари 2025 година, а ќе се одржи во Хрватска, Данска и Норвешка. Македонските ракометари во СЦ „Борис Трајковски“ во Скопје се вратија од отпишаните откако на првиот меч во Торшавн беа поразени од Фарски Острови (34:27). Ја анулираа предноста на противникот. Во Скопје беа подобри за гол-повеќе (34:26), иако по убедливиот пораз беа цел на критики. Јавноста побара оставки, не беа поштедени ниту ракометарите. Селекторото Кирил Лазаров смета дека неговите избраници покажале карактер и го заслужиле местото на големото натпреварување и покрај тоа што за противник имале незгоден ривал. -Ова е еден од моите најсреќни денови во животот во спортската кариера. Не е лесно да ги мотивираш ракометарите, посебно затоа што добиваме големи критики од јавноста. Големите шампиони знаат како да го преживеат притисокот. Даваме срце и душа за Македонија, па поради тоа барам само малку почит, особено кога ќе згрешиме затоа што грешки прават и други големи спортисти, вели Лазаров.
