Најмалку 11 лица го загубија животот денеска, а 25 се повредени во лавина во планински регион во Пакистан, соопшти полицијата.
Лавината затрупала номадско племе во таа област, а меѓу жртвите имало и четиригодишно момче како и четири жени, пренесе АП.
Во спасувачката акција учествуваат два воени хеликоптери, а потрагата ја отежнува непристапниот терен на висока надморска височина од 4.270 метри.
Армијата им помага на локалните власти во потрагата, пишува АП.
