Косовскиот премиер Албин Курти во интервју за „Der Spiegel“ зборуваше за ситуацијата што настана на северот на земјата.
„Меѓународниот суд на правдата е најголемиот суд на планетата, а таа пресуда, чие донесување го иницираше Вук Јеремиќ, ги зацементира темелите на независноста на Косово!“ рече тој.
„ЕУ и САД вршат голем притисок врз Србија да избере меѓу демократскиот Запад и Русија“, рече Курти.
Тој зборуваше и за барањето на Србија за враќање на 1.000 српски војници на Косово.
„Се чини дека Вучиќ сака да ја врати Србија во минатото. Но, овој воз си замина. Меѓународниот суд на правдата пресуди во корист на нашата декларација за независност. Нема повисок суд на оваа планета“, рече Курти.
Денеска е деветти ден од почетокот на забарикадирањето на Северот. Србите поставија тешка механизација и камиони во знак на револт поради апсењето на поранешниот полицаец Дејан Пантиќ.
