Премиерот Димитар Ковачевски ќе испрати покана до парламентарните политички партии за лидерска средба, која ќе се случи в понеделник, на 7.11.2022 година, во 12:00 часот во Собранието на Република Северна Македонија, информираат владините служби.
„Средбата која ја свикува претседателот на Владата, Ковачевски, се организира со цел да се отвори дискусија за европската иднина на Република Северна Македонија, но и за одлуките кои во наредниот период треба да се носат во Собранието со широк политички и општествен консезус“, стои во владиното соопштение.
Поканата до претседателите на парламентарните политички партии ќе биде испратена во текот на утрешниот ден, додаваат од Владата.
