Многу корисници на „Фејсбук“ не можеа да вчитаат страници и имаа проблеми со њуз-фид во понеделникот навечер.
Повеќето од нив се обратија на веб-страницата „Даундетектор“ – онлајн платформа која обезбедува информации за статусот на популарните интернет ресурси – за да го објаснат својот проблем.
Според веб-станицата, проблемите започнале околу 18:00 часот.
Корисниците, исто така, се огласија на „Твитер“ за да прашаат дали другите се соочуваат со слични проблеми. Некои од нив твитнаа: „Дали падна Фејсбук? Не можам да пристапам до мојот њуз-фид, мојата Фејсбук-страница и моите омилени ФБ страници“.
