ЈП Комунална хигиена-Скопје во текот на денешниот ден реализираше низа секојдневни редовни активности за чистење на повеќе локации во строгиот центар на градот.
Активностите се одвиваа во Паркот на жената-борец, каде што беше извршено рачно миење и метење на целокупниот простор, вклучително и големата фонтана во Паркот. Отстранување на ситните отпадоци, рачно метење и миење е реализирано и на спомениците лоцирани на плоштадот Македонија, како и во реонот на Домот на АРМ и Спомен-куќата на мајка Тереза.
Воедно, екипите на Претпријатието ги спроведоа и своите секојдневни редовни активности за празнење на контејнерите и чистење на целокупната микролокација зад објектот на Телеком, на кејот „13 Ноември“, каде што во последниот период е забележана зачестена појава на диви депонии. Во рамките на денешните редовни активности во централното градско подрачје беа подигнати и транспортирани десет кубни метри непрописно одложен отпад од јавни површини.
