Како последица од поројниот дожд се појавила вода во само една просторија, велат од Клиниката за кардиологија.
Од тука истакнуваат дека просторијата била веднаш нотирана и санирана, по што на двајца пациенти со акутен инфаркт им е направена интервенција.
„Сите сали за интервенција работат во стандардни услови и по стандардни протоколи“, велат од Клиниката за кардиологија.
Претходно Центарот за управување со кризи објави дека подрумските простории на Клиниката за Кардиологија се поплавени, каде што се сместени салите за интервенција.
