Обединувањето на Кина со Тајван е поблиску од кога било, со оглед на силата на Пекинг да ја постигне таа цел, изјави за РИА Новости кинескиот амбасадор во Русија Џанг Ханхуи.
„Кина е поблиску од кога било досега во историјата до постигнување на големата преродба на кинеската нација, таа е полна со самодоверба и има сила да ја постигне оваа цел, како и уште поголема доверба и сила да постигне целосно обединување на земјата“, рече амбасадорот, пренесува медиумот.
Ханхуи нагласи дека Тајван повторно ќе и се придружи на кинеската татковина, опишувајќи го како историски настан што „никој и ништо не може да го запре“, нагласувајќи дека не треба да се потценува решителноста на Кина за националната одбрана, суверенитет и територијален интегритет.
Во новогодишниот говор во вторникот, кинескиот претседател Шји Џјинпинг ја повтори својата визија за единство меѓу Тајван и континентална Кина, опишувајќи ги двете страни како „едно семејство“ и тврдејќи дека нивното обединување е историска неизбежност.
„Неуморно ќе ја следиме нашата политичка насока „една земја, два системи“. Ќе го одржуваме долгорочниот просперитет и стабилност на Хонг Конг и Макао. Сонародниците од двете страни на теснецот се едно семејство и никој не може да ги скрши нашите крвни и роднински врски никој не може да го запре историскиот тренд на обединување на татковината“, рече тој во обраќањето до нацијата.
