Поранешниот шведски премиер и поранешен висок претставник за БиХ Карл Билт денеска оцени дека по последните инциденти на Косово нема да биде лесно да се обнови дијалогот меѓу Белград и Приштина.
„Нема да биде лесно да се врати дијалогот меѓу Белград и Приштина по настаните во изминатите неколку дена. Важно е да продолжи големата мировна мисија КФОР, но уште поважна е силната дипломатска акција на Европската унија и САД со цел да се спречи натамошно влошување на ситуацијата“, изјави Билт на Твитер.
Тој додаде дека дури тогаш во одреден момент работите ќе се вратат на подобар пат.