Утрински Весник
Спорт

Карагер му порача на Касемиро дека му е време за преселба во Саудиска Арабија

98624 1250x834 1.jpg

Англискиот фудбалски премиерлигаш Манчестер јунајтед „благодарение“, Касемиро, синоќа доживеа тежок пораз на „Селхурст парк“ од Кристал Палас (4:0). Бразилецот беше виновен за два од четири гола што ги постигнаа фудабалерите на Кристал Палас. Англиските и шпанските медиуми, ден по натпреварот пишуваат за срамната партија на Касемиро, кој делуваше изгубено на теренот во улога на стопер. Поранешниот капитен на ливерпул, Џејми Карагер, во улога на стручен коментатаор испрати јасна порака до Бразилецот. „На полувремето реков дека Тен Хаг треба да го замени. Мислам дека по ова Касемиро како искусен играч треба да знае дека му преостануваат уште три натпревари на ова ниво. Следните два во Премиер лигата и финалето во ФА Купот“, рече Карагер и додаде. „Знам дека Касемиро постигна толку многу во кариерата, многу повеќе од мене. Но, тој е готов. Да бев негов менаџер, ќе го фатеф телефонот и ќе вртев во Саудиска Арабија или Америка“. Касемиро беше издриблан осум пати, најмногу од сите играчи во англискиот шампионат оваа сезона. Карагер за Касемиро изјави дека бил еден од најдобрите играчи од средниот ред во своето време додека играл во Реал, но и дека се има свој крај. „Кога јас се пензионирав, важеше изреката „остави го фудбалот пред тој да те остави фудбалот“. Фудбалот го напушти, не е на нивото кое го бара Премиер лигата, мислам дека треба да замине“, рече Карагер. Касемиро во Манчестер јунајтед пристигна рпед две сезони од Реал за 70 милиони евра. Договорот со „црвените ѓаволи“ му истекува за две години.

Можете да прочитате

Откажана мото ГП-трката во Индија

Циципас оди во третото коло на Ролан Гарос, пет натпревари прекинати поради дожд

Флик и официјално е нов тренер на Барселона