Камерунскиот репрезентативец Гаел Ондуа го однесе руското знаме на Светското првенство во Катар бидејќи го има на своите копачки во знак на респект кон својата втора татковина. Русија не е во Катар бидејќи беа исфрлени од баражот против Полска поради војната во Украина, но Ондуа вели дека нема проблем да го каже своето убедување.
Ондуа од својата деветта година живее во Русија, каде што беше дел од младинскиот тим на Локомотив Москва, а 27-годишниот дефанзивец играше и за ЦСКА Москва, Анжи Махачкала, украинскиот Зорја Луханск и германскиот Хановер.
„Никој од организаторите не обрна внимание на руското знаме на моите копачки. Тоа не може да биде одземено од мене бидејќи се чувствувам и како Камерунец и како Русин“, вели 27-годишниот Ондуа.
