На 31 јули и 1 август 2025 година, во периодот од 20:00 до 04:00 часот, целосно ќе биде затворен за сообраќај булеварот „11 Октомври“ во Скопје, во двете насоки на движење, на потегот од крстосницата со улица „Даме Груев“ до крстосницата со булевар „Кочо Рацин“.
Причината е снимање на филм, поради што Единицата за безбедност на патниот сообраќај ќе воведе посебен режим. Сообраќајот ќе биде пренасочуван по околните улици.
МВР апелира до граѓаните да ги почитуваат упатствата и наредбите на полициските службеници за време на снимањето.
