Ивана Гиновска од Куманово е официјално назначена за директор на Државниот инспекторат за животна средина. Гиновска е родена во Скопје во 1989 година и има магистерска диплома по економски науки, со специјалност во маркетинг менаџмент.
Своето професионално искуство го започнала како банкарски службеник, а подоцна продолжила да работи во Домот за стари лица „Зафир Сајто“ во Куманово, како и во ЈП „Куманово паркинг“. Таа е член на Управниот одбор на заедничкото јавно претпријатие за управување со отпад „Еко Исток – Североисток“.
Во рамките на последните парламентарни избори, Гиновска беше кандидат за пратеник во изборна единица 2 на листата на Движењето ЗНАМ – За наша Македонија. Назначена е на функцијата директор од Владата, заменувајќи го досегашниот раководител Сретен Стојковски.
