Во Општата болница во Целје, Словенија бил сменет идентитетот на двајца постари пациенти, од кои едниот починал, а другиот останал жив.
Словенечката полиција покренала истрага, а раководството на болницата понудило оставка поради инцидентот.
Според информациите, болницата го прогласила преживеаниот за мртов и го известила семејството, кое го погребало починатиот пред да биде откриена грешката во болницата.
Грешката била откриена дури кога преживеаниот пациент бил вратен во домот за стари лица.
Како што јави словенечката телевизија N1, двајца постари пациенти биле донесени со исто возило на Брза помош од ист дом за стари лица и со себе немале нараквици за идентификација, па информациите ги презеле од екипата на Брзата помош.
Во оваа прилика се огласи министерот за здравство, Бешич Лоредан, кој рече дека ова е прв ваков случај во Словенија и додаде дека очигледно имало замена на идентитетите.
