Утрински Весник
Спорт

Историска партија на Инграм – Пеликанс го растурија Торонто

Usatsi 22453648 168388561 Lowres.jpg

Кошаркарите на Њу Орлеанс Пеликанс го победија Торонто со 138:100. Брендон Инграм со својата изведба на овој натпревар влезе во историјата на НБА лигата.

Брендон Инграм ги предводеше Пеликанс со 41 поен, девет асистенции и шест скока.

Тој реализираше осум тројки од 11 обиди, а во последните три минути од третата четвртина погоди пет тројки во низа.

Инграм стана првиот играч во историјата на НБА кој постигнал најмалку 40 поени и најмалку осум тројки на еден натпревар, притоа шутирајќи 75 отсто, без ниту една загубена топка.

Си Џеј МекКалум придонесе за третата последователна победа на Њу Орлеанс со 20 поени, Зион Вилијамсон со 16 и Јонас Валанчиунас со 10 поени и 12 скока.

Во тимот на Торонто, Грејди Дик беше најефикасен со 22 поени, Скоти Барнс додаде 17, а Јакоб Поелтл 14 поени и девет скока.

Резултати:

Шарлот – ЛА Лејкерс 118:124
Кливленд – Сакраменто 136:110
Филаделфија – Далас 102:118
Атланта – ЛА Клиперс 144:149
Бруклин – Голден Стејт 98:109
Њу Орлеанс – Торонто 138:100

Можете да прочитате

Јокиќ најдобар играч во Европа за 2024 година

Страшна повреда на Ајви, противнички играч плачеше на теренот

Герасимовски покажа како ќе изгледа новата сала Работнички: Го враќаме домот на македонската кошарка, работиме во полн ек