Утрински Весник
Свет

ИСИЛ најави нови напади ширум светот

86915867 27nov Is Gun.jpg
Ss2

Екстремистичката група Исламска држава (ИСИЛ) најави нови напади врз Евреите и христијаните ширум светот за време на светиот месец Рамазан.

Таа, исто така, ги повика следбениците да го нападнат кампот ал Хол во Сирија и да ги ослободат заробениците на терористичката група кои се таму.

300x250 (7)

Во 40-минутната аудио снимка објавена од медиум поврзан со екстремистичката група Ал Фуркан, портпаролот на ИСИЛ Абу Худајфа ал-Ансари ги повика следбениците да извршат напади врз христијаните и Евреите ширум светот за време на Рамазан, особено во Европа, САД и Израел.

Во својот говор, тој ја одбележа 10-годишнината од прогласувањето на калифатот и, во светло на ова, ги повика следбениците во Сирија да го нападнат кампот ал Хол и да ги ослободат затворениците на оваа екстремистичка група. Кампот во Сирија е под контрола на курдски групи и во него се сместени неколку илјади луѓе, меѓу кои и роднини на членови на ИСИЛ и бројни странци.

Ал Ансари, исто така, го пофали неодамнешниот напад во концертна сала во предградијата на Москва, во кој загинаа најмалку 143 лица, а 360 беа ранети.

ИСИЛ, против која Москва се бори во Сирија и групата е активна и на рускиот Кавказ, извршува напади во Русија од крајот на 2010 година. Во јануари, исто така, ја презеде одговорноста за самоубиствениот бомбашки напад во јужен Иран во кој загинаа две лица и повеќе од 80 лице.

Додека ИСИЛ и понатаму е поразена во нејзините главни упоришта на Блискиот Исток, таа постигна значителен напредок во Африка и делови од Јужна Азија, заземајќи голем број територии и ресурси кои би можеле да послужат како лансирна рампа за нова кампања на екстремистичко насилство. Многу европски влади веќе преминаа на највисоко ниво на подготвеност во последниве години.

Ss1

Можете да прочитате

Повеќе од 34 илјади загинати Палестинци во Појасот Газа

(ВИДЕО)Во Турција приведени 36 лица осомничени за поврзаност со „Исламска држава“

Земјотрес со јачина од 4,5 степени ја погоди Турција