Утрински Весник
Свет

Иран им се закани на семејствата на фудбалерите пред денешниот натпревар против САД

На членовите на семејствата на иранските фудбалери на Светското првенство во фудбал им се заканува затвор и мачење доколку играчите не се однесуваат правилно пред денешниот натпревар против САД, односно ако не ја пеат националната химна, изјави извор вклучен во безбедноста на натпреварите.

dobivaj vesti na viber

Откако играчите на Иран одбија да ја пеат националната химна на отворањето на Светското првенство против Англија на 21 ноември, извор за Си-ен-ен изјави дека играчите биле поканети на состанок со членовите на Корпусот на иранската револуционерна гарда (IRGC).

Изворот рекол дека на иранските фудбалери им било кажано дека нивните семејства ќе се соочат со насилство и тортура доколку не ја пеат националната химна или не се приклучат на кој било политички протест против режимот во Техеран.

Фудбалерите ја пееја националната химна пред реваншот против Велс минатиот петок, кој Иран го доби со 2-0. Изворот, кој внимателно ги следи иранските безбедносни агенции што работат во Катар за време на Светското првенство, рече дека десетици офицери на ИРГЦ се распоредени да ги следат иранските играчи на кои не им е дозволено да се мешаат со луѓе надвор од тимот или да се среќаваат со странци.

Иран и САД денеска се среќаваат во клучниот натпревар од групата Б на Светското првенство во фудбал.

Можете да прочитате

Џакарта повеќе нема да биде главен град на Индонезија

Паника во Лондон: На ​​сред возење извадил нож и избол човек пред патниците

Путин: Ловците Ф-16 ќе бидат легитимна цел за Русија, како и аеродромите од кои полетуваат