Откако принцот Хари и Меган Маркл се венчаа на 19 мај 2018 година, младенците продолжија со веселбата на поинтимен вечерна забава во Фрогмор Хаус со околу 200 свои гости.
Пријателите и семејството ја поминаа цела ноќ на подиумот за танцување, благодарение на актерот добитник на „Златен глобус“ Идрис Елба, кој создаде одлична атмосфера и беше успешен во улогата на диџеј.
Неодамна, во интервју за „Ентертејнмент тунајт Канада“, славниот актер се наврати на приликата што се пружа еднаш во животот – да бирате музика на специјалниот ден на кралска двојка – и откри кој бил најдобар танчер на ноќта.
„Меган владееше на подиумот и целосно се препушти,“ рече тој.
„Беше спонтана и, едноставно многу се забавуваше. Тоа беше нејзина венчавка, така што најубаво си помина и тоа го покажа на подиумот за танцување,“ рече актерот.
Меган не била единствената која уживала. Извор изјави за „Пипл“ дека Елба ја донел енергијата како диџеј, па славните гости од А-листата не можеле да престанат да танцуваат. „Тоа беше голема забава, сите се опуштија и беа добро расположени.“
