Нигерија се пласираше во полуфиналето на овогодинешниот Африкански куп на нации со победа од 2:0 против Алжир. Стрелци беа Виктор Осимен во 47-та минута и Акор Адамс во 57-та минута.
Во полуфиналето, Нигерија ќе игра против домаќинот на турнирот, Мароко.
Четвртфиналниот натпревар помеѓу Нигерија и Алжир, имаше и трето полувреме. Алжирците тешко се справија со елиминацијата.
Додека Нигеријците го славеа пласманот во полуфиналето, разочараниот Лука Зидан, синот на легендарниот Зизу и голман на Алжир, влезе во вербалена, а потоа и физичка пресметка со неколку противнички играчи.
Chaos broke out after Algeria lost woefully to Nigeria as Algeria’s goalkeeper Luca Zidane fought Fisayo Dele-Bashiru. pic.twitter.com/U9t4uMa5ky
— Linda Ikeji Blog (@lindaikeji) January 10, 2026
На теренот настана метеж, а во последен момент, редарите спречија дел од алжирските навивачи да истрчаат на тревникот, со што избегнаа посериозни инциденти.
Инцидентите не запреа на теренот. Она што започна таму продолжи во тунелот и микс зоната на стадионот во Маракеш.
Фудбалерите од Нигерија и Алжир сакаа да ги израмнат сметките на патот кон соблекувалните. Алжирците го нападнаа и судијата на натпреварот. Иса Си од Сенегал успеа да избега со помош на обезбедувањето.
Имаше судири и на трибините. Навивачите на Алжир, огорчени од испаѓањето кршеа столчиња на стадионот. Дури и новинарите се судрија во микс зоната.
AFCON 2025 🇲🇦
Terrible scenes as Algeria 🇩🇿 players attacked match referee after the loss to Nigeria 🇳🇬 Super Eagles.
I wonder why they could dispute a very clean win.
Sanctions are on the way this is not sportsmanship @soka25east pic.twitter.com/ms7hXOhRav
— Collins Okinyo (@bedjosessien) January 10, 2026
