Утрински Весник
Македонија

Грешка го врати „Титаник 2“ од Апелација во Кривичен и го доближи Мијалков до спас од прогон

Грешка го врати „Титаник 2“ од Апелација во Кривичен и го доближи Мијалков до спас од прогон
Ss2

Пресудата за „Титаник 2“ која 43 дена патуваше од Кривичен суд до Апелација, сега се враќа назад во првостепениот суд. Причината е тоа што Кривичен предвреме го пратил предметот и не го почекал рокот од 15 дена во кој обвинетите меѓу кои се ексдиректорот на УБК Сашо Мијалков и лидерот на ДПА Мендух Тачи можат да поднесат жалби.

dobivaj vesti na viber

„Последната достава на првостепената пресуда е со прием од обвинет на 02.03.2023 година, што значи рокот за поднесување жалба отпочнал да тече на 03.03.2023 година и рокот во кој обвинетиот може да го искористи правото на жалба истекува на 17.03.2023 година“, велат од Апелација и додаваат:  „Првостепениот суд не го сочекал рокот од 15 дена за евентуално изјавена жалба и пред истекот на тој рок го доставил предметот со списите на постапување и одлучување во Апелациониот суд Скопје“.

300x250 (7)

Во Законот за кривична постапка е предвидено дека жалбата и одговорот на жалбата со сите списи, првостепениот суд во рок од три дена од приемот на одговорот на жалбата, односно по истекот на рокот за поднесување одговор на жалбата, ќе ги достави до второстепениот суд.

„Од наведените причини, предметот административно е вратен на првостепниот суд истиот да постапи и по истекот на законските рокови за изјавување на жалба, односно одговор на жалба предметот со сите списи да се достави до Апелациониот суд Скопје на одлучување во  жалбена постапка“, посочуваат од Апелација.

Пресудата за ексдиректорот на УБК, Сашо Мијалков и лидерот на ДПА, Мендух Тачи, за предметот „Титаник 2“, патуваше 43 дена од Кривичен суд до Апелација. Сега има уште 23 дена пред делото на Мијалков да му застари, а рок во кој Апелација треба да го добие предметот, да добие мислење од Вишото обвинителство-Скопје, да закаже јавна седница и да одлучи. Во спротивно, Мијалков може да се спаси од одговорност.

Мијалков се гони за изборни нерегуларности на изборите во 2013 година, дело кое застарува по 10 години односно во 2023 година.

За овој предмет двапати се изрекува пресуда. Првата беше укината од Апелација во декември 2019 година. Од тогаш до јануари 2023 година предметот се судеше во Кривичен суд. Судиите Огнен Ставрев и Осман Шабани одново ги прогласија обвинетите за виновни. На повтореното судење, ексдиректорот на УБК, Сашо Мијалков е осуден на казна затвор од две години. Лидерот на ДПА, Мендух Тачи, исто така доби казна затвор од две години.

Ss1

Можете да прочитате

Спасовски: Новогодишен пакет од 100 евра за пензионерите, пензионерска картичка со попусти

Стевановиќ: СДСМ нема да се откаже од европска иднина и од држава во која има функционално владеење на правото

Даштевски: Гласањето помина мирно – 24info.mk